Ndriçim Babasi, kandidat i Partisë Demokratike për Primarët në bashkinë e Krujës është tërhequr nga gara e balotazhit. Në letrën e tërheqjes, Babasi shkruan se i falenderon të gjithë ata që e kanë votuar, por shtoi se nuk do e vazhdojë garën pasi ka hasur në disa parregullsi në proces të votimit të djeshëm, që duket se e kanë bërë të mos tentojnë për kryetar bashkie në 14 maj të vitit të ardhshëm.
“Si kandidat i Primareve në Bashkinë Krujë dalë balotazh pas numërimit të votave, nuk e shikoj më të arsyeshme për vazhdimin e garës për Primaret në PD Krujë, duke parë dhe duke u njohur me disa parregullsi ditën e votimit me listat dhe votuesit. Aryset janë shumë të thjeshta dhe kuptimplota që t’i hapim rrugë demokracisë të forcojmë PD dhe ti japim prioritet fitores së datës 14 maj 2023. Falenderoj të gjitha ta që më votuan dhe që nuk morën pjesë në votim për arsye të ndryshime pasi votimi i Primareve ishte risi në PD dhe në vendin tonë. Shpresoj që ky vendim i imi të mirëkuptohet nga ana juaj dhe të merret në konsideratë.”
Në Krujë nga 584 vota në total 4 prej fletëve janë shpallur të pavlefshme. Dy kandidatët më të votuar ishin Ndriçim Bajram Babasi me 346 vota dhe Agron Loka me 548 Loka. Gara ka shkuar në balotazh pasi asnjëri prej tyre nuk ka arritur të sigurojë 50% të votave.
Nga raundi i parë i procesit të Primareve, vetëm 8 bashki nuk zbuluan emrat e kandidatëve dhe do të shkojnë në balotazh. Në Tiranë, Fier, Librazhd, Dibër, Sarandë, Mirditë, Mat dhe Krujë demokratët do t’i drejtohen sërish kutive të votimit për të zgjedhur kandidatin që do të garojë në 14 maj të dielën e ardhshme në 11 dhjetor.
Discussion about this post