Tashmë e dimë që Bashkia Tiranë e ka bërë të udhës shfrytëzimin e tenderëve për të përfituar nga fondi i shtetit dhe fondet publike.
Veliaj këtë herë ka “përzgjedhur” Drejtorinë e Përgjithshme të rrugëve dhe Ndriçimit Publik Tiranë, për të zbrazur lekë nga buxheti i taksapaguesve të rregullt.
Në procedurën e siguruar nga gijotina.com vërtetohet se tenderi i jepet menjëherë një operatori ekonomik ose kompanisë që është e favorizuar nga Bashkia dhe favorizon bashkinë.
Bëhet fjalë për kompaninë “FUSHA”, sh.p.k, e cila ka ofruar 4.399.400 (katër milion e treqind e nëntëdhjetë e nëntë mijë e katërqind) lekë pa TVSH ose rreth 43 milionë lekë të vjetra, për të ndriçuar rrugët e Tiranës.
Kjo nuk është hera e parë që lali Eri i jep “kupën” kompanisë “FUSHA”, pasi ajo më herët ka fituar edhe tenderin e ndërtimit të parkimit në sheshin “Skënderbe” si dhe tenderin për kullat në zonën ku ndodhet Teatri Kombëtar.
Nisur nga kjo, Bashkia Tiranë, jo vetëm që e ka përjashtuar kompaninë tjetër konkurruese por ajo as nuk e ka marrë parasysh ofertën e saj duke u ndodhur përballë “FUSHA” sh.p.k, që i shërben Lali Erit.
Edhe pse kompania rivale “SHANSI INVEST” sh.p.k, ofroi me vlerën më të lartë prej 4.578.600 (katër milion e pesëqind e shtatëdhjetë e tetë mijë e gjashtëqind) lekë pa TVSH ose rreth 45 milionë lekë të vjetra, ajo është përjashtuar, vetëm për të shpallur fituese kompaninë e privilegjuar nga Bashkia Tiranë “FUSHA sh.pk.”
Kjo nuk është hera e parë që në dokumentet e bashkisë Tiranë përfshihen detaje të cilat janë shenjat të mundësive për të krijuar hapësira për abuzime me fondet, aq më pak kur fituesi është paracaktuar.
Kompania “SHANSI INVEST” është skualifikuar me argumente qesharake, me qëllimin e vetëm për të shpallur menjëherë fituese kompaninë bashkëpunuese të lali Erit.
Arsyet e skualifikimit janë: 1.Nuk përmbush pikën 2.3.1 të kapacitetit teknik ku parashikohet se:
Operatori ekonomik duhet të paraqesë dëshmi për shërbimet e mëparshme të ngjashme, të kryera gjatë tre viteve të fundit nga data e shpalljes së njoftimit të kontratës, në një vlerë jo më të vogël se 20 % të vlerës së fondit të limit të kësaj kontrate. Për të vërtetuar përvojën e mëparshme të ngjashme, operatorët ekonomikë duhet të paraqesin dëshmitë e mëposhtme:
- a) për përvojën e mëparshme të realizuar me sektorin publik, operatori ekonomik duhet të paraqesë vërtetime të lëshuara nga një ent publik…
- b) për përvojën e mëparshme të realizuar me sektorin privat, operatori ekonomik duhet të paraqesë vetëm fatura tatimore të shitjes…
A.L/gijotina.com.
Discussion about this post