Me ardhjen në detyrë të Gledis Nanos në krye të Policisë së Shtetit, ka bërë që prej javësh të ketë ndryshime në drejtoritë e policisë së qarqeve. Ndryshimeve nuk u ka shpëtuar as Tirana, ku më i fundit është ai i bërë në Policinë Rrugore. Në krye të Policisë Rrugore në Tiranë është rikthyer Besmir Qibini, i cili e ka mbajtur këtë post më herët në vitet 2014-2015.
Më parë shefi i qarkullimit rrugor Tiranë, ishte Erion Ahmeti i cili është emërua në sektorin e sigurisë rrugore në Drejtorinë e Përgjithshme të Policisë së Shtetit.
Kujtojmë që më 18 tetor, Drejtori i Përgjithshëm i Policisë së Shtetit Gledis Nano bëri ndryshime të drejtuesve të strukturave vendore dhe qendrore të Policisë së Shtetit. Ndryshimet kanë ndodhur thuajse në çdo qark, përveç Beratit. Këto lëvizje do i paraprijnë ndryshimeve të tjera që do të bëhen në drejtuesit e tjerë të Policisë, në nivel vendor.
Discussion about this post