Ndryshime në Policinë e Shtetit, Rrumbullaku firmos lëvizjet

Drejtori i Përgjithshëm i Policisë së Shtetit, Muhamet Rrumbullaku ka firmosur disa ndryshime brenda radhëve të uniformave blu.

Në Tiranë janë ndryshuar shefat e e komisariateve.

Altin Lila, shefi i Komisariatit nr.3 në Tiranë do të drejtojë Komisariatin nr.1 duke zëvendësuar në këtë post Petrit Halën.

Ky i fundit do të emërohet në Librazhd.

Drejtimin e komisariatit nr 3 e merr Bledar Rreshka, i cili ka qenë në sektorin e zbulimit të krimeve të rënda në Elbasan.

Ndërkohë, Sali Skura është emëruar në krye të Komisariatit nr. 4 në Tiranë.

Ndryshime ka patur edhe në rrethe, si dhe në policitë kufitare. Kështu Arben Caka emërohet drejtor i kufirit në Durrës.