Ndryshime në policinë e Tiranës – Detajet

Një sërë ndryshimësh dhe transferimesh janë bërë në policinë e Tiranës. Sipas raportimeve janë ndryshuar disa shefa krimesh, por jo vetëm.

News24 raporton se shefi i krimeve i komisariatit nr.5 ka shkuar në komisariatin e Vorës, ndërsa shefi i krimeve të Vorës ka kaluar te komisariati nr.5.

Shefi i krimeve në komisariatin nr.1 është transferuar te komisariati i policisë rrugore të Tiranës, konkretisht te sektori i aksidenteve.

Edhe policia rrugore e kryeqytetit nuk ju ka shpëtiuar ndryshimeve, ku rreth 20 efektivë të linjave dhe trafikut janë transferuar, po ashtu edhe 4 komandatë te trafikut dhe linjave, mes tyre edhe shefi i trafikut urban në Tiranë, Jetnor Shira, ku në vend të tij është emëruar Megian Ademaj.

Në policinë rrugore të Tiranës janë transferuar edhe disa oficerë të policisë gjyqësore (OPGJ). Ende nuk dihen arsyet e ndryshimeve dhe transferimeve në policinë e kryeqytetit.