Ish-kreu i KQZ-së dhe Ish-deputeti demokrat, Arben Ristani, në një intervistë për mediet u shpreh se ndryshimet kushtetuese janë në interes të Ramës dhe Bashës.
Sipas tij, Rama e përdor për të vazhduar të ketë kontroll në procesin e Vettingut, ndërsa Basha për të kaluar krizën e PD-së.
Gjithashtu ai shprehet se teknikalitetet që ka paraqitur Lulzim Basha për Vettingun e politikanëve janë të punuara dobët.
“Thelbi nuk është te ndryshimet kushtetuese, por te nevoja që kanë të dy autokratët për të kaluar momentin e tyre. Rama për të vazhduar të ketë kontrollin e procesit të Vettingut, ndërsa Basha për të kaluar momentin në raport me kontradiktën që ka me PD-në.
Të gjitha debat janë fokusuar te debati i Bashës me PD-në. Këto janë interesa të momenti që nuk kanë të bëjnë me kushtetutën. Teknikalitetet që ka paraqitur Basha për Vettingun e politikanëve janë të punuara dobët. T’ia çosh Vettingun e politikanëve SPAK-ut është një non sens juridik, sepse SPAK është organ për ndjekje penale.” – tha Arben Ristani
Nisma e Partisë Demokratike për të bërë tre amendamente kryesorë që lidhen me pastrimin e politikës, reformën zgjedhore dhe atë territoriale, është vlerësuar nga Bashkimi Europian. Ambasadori i BE në Tiranë, Luigi Soreca nënvizioi se ndonëse nuk është njohur me draftet, propozimi për ndryshimet ligjore është një detyrë që i takon opozitës
