Ndryshimet në Qeveri, Bardhi: Makiazh për të mbuluar fytyrën e kalbur

Kryeministri Edi Rama njoftoi sot ndryshimet në Qeveri, ndërsa largoi nga kabineti 3 ministret: Olta Xhaçka, Edona Bilali dhe Evis Kushi.

Lidhur me ndryshimet e njoftuara nga Rama ka reaguar Kreu i Grupit Parlamentar të PD-së, Gazment Bardhi, që e ka cilësuar këtë lëvizje të Ramës si një taktikë për të mbuluar fytyrën e kalbur të korrupsionit.

“Korrupsioni, i cili qëndron në themelet e kësaj qeverie, do të vazhdojë të gërryejë mirëqenien në çdo familje shqiptare. Nuk ka pikën e rëndësisë se cilin ministër ndryshon Edi Rama. Është thjesht një makiazh për fytyrën e kalbur nga korrupsioni të kryeministrit”, shkruan Bardhi.