Lista e Kombëtares për dy ndeshjet e fundit kualifikuese të Botërorit ‘Katar 2022’ ka ndryshuar sërish.
Është vendosur që sulmuesi Ernest Muçi të rikthehet sërish te grupi i përfaqësueses U-21 të ‘Shpresave’, që drejtohet nga trajneri Alban Bushi.
Ai ishte pjesë e U-21 në fillim të grumbullimit, ndërsa më pas kaloi te ekipi A, por duket se është marrë një tjetër vendim që e ka rikthyer 20-vjeçarin që luan me ekipin e Legias sërish te Alban Bushi.
Skuadra e U-21 do të përballet me Slloveninë dhe Kosovën për kualifikueset e Europianit të kësaj grup moshe dhe Muçi shihet si një nga emrat kryesor për suksesin e ‘Shpresave’.
Ndërsa rikujtojmë se ai është një nga emrat kryesorë edhe te skuadra polake, ku aktivizohet që prej largimit nga Tirana./K.T/Gijotina.com
Discussion about this post