INATAT ka njoftuar se nga data 4 tetor do të Censusi i ri i popullsisë, ku do të numërohen edhe shtëpitë. Instituti i Statistikave ka vendosur të fillojë tani këtë projekt që kishte planifikuar më parë por u shty për shkak të tërmetit dhe pandemisë.
Ky cens i cili do të shërbejë si një bazë të dhënash për krijimin e regjistrave të popullsisë banuese, ndërtesave e banesave do të zhvillohet përmes pyetësorëve duke mbledhur të dhëna në terren në zona urbane dhe rurale të ndryshme të vendit.
Elsa Dhuli, Drejtore e INSTAT shprehet se, ky projekt do të ndahet në 50 zona për 9 bashki të vendit. Ndërsa bën me dije se, për individët që refuzojnë të përgjigjen apo japin të dhëna të rreme në përgjigje të pyetësorëve parashikohen edhe gjoba që variojnë nga 10 deri në 100 mijë lekë. “INSTAT në periudhën 4 tetor deri më 15 nëntor 2021 do të zhvillojë fazën Pilot për Censin e Popullsisë dhe Banesave. Qëllimi kryesor i Censit Pilot është të provojë në kushte reale hartografinë, metodologjinë, strukturën organizative, sistemin e mbledhjes së të dhënave me tablet, planifikimin logjistik dhe ndërveprimin midis të gjitha burimeve të planifikuara për t’u angazhuar në vetë numërimin aktual.
Konkretisht janë përzgjedhur 50 Zona Censi ne 9 bashki të vendit: Fushë Arrëz, Dibër, Tiranë, Kamëz,Durrës, Korçë, Pustec, Selenicë dhe Dropull”, u shpreh ajo.
Ky është Censi i tretë që zhvillon Shqipëria dhe ka një afat 10-vjeccar, pas atij të realizuar në vitin 2001 dhe më pas në vitin 2011, ku në këtë të fundit popullsia e vendit përllogaritet në mbi 2.8 milionë banorë.
