Në Angli janë të sigurt për fatin e Contes

“Unë e respektoj kontratën dhe në fund të sezonit do të bëhen vlerësimet e duhura me klubin në mënyrën më të qetë dhe unë do të them fjalën time”, kishte deklaruar, trajneri i Tottenham, Antonio Conte

Pas barazimit 0-0 kundër Milanit dhe eliminimit nga Champions League, Antonio Conte ka shtyrë çdo diskutim në lidhje me të ardhmen e tij. Megjithatë, mediat angleze nuk kanë dyshime: do të jetë lamtumirë në fund të sezonit.

Për këtë është e bindur BBC-ja, e cila e konsideron largimin e trajnerit “tani thjesht një formalitet”. Nga njëra anë, Conte nuk ka treguar kurrë në muajt e fundit se synon të rinovojë marrëveshjen me Spurs, e cila skadon në qershor, pavarësisht ofertave fillestare nga klubi, por tani dhe drejtuesit duket se nuk kanë dëshirë të rinovojnë me të. Për të mos folur për tifozët, të zhgënjyer nga një sezon nën pritshmëritë.

E pashmangshme, pra, që të shkohet drejt divorcit, lexohet në faqen e BBC-së, që thekson se ndarja vjen pas “16 muajve pa dashuri”.

Një epilog të ndarë edhe nga tabloidët, me The Sun titullin “Out for the Cont” (fjala ‘Count’ e bërë “Cont’ qëllimisht për t’ju referuar mbiemrit të trajnerit).

Ndërsa Daily Mail ia lë vendin pakënaqësisë në dhomat e zhveshjes. Nisur me atë të Richarlison, i cili fillimisht u la në pankinë.

“Ky sezon ka qenë i zymtë”, akuza e brazilianit që sulmon Conten:

“Pse nuk luaj, as këtë nuk e kuptova”, tha ai për TNT Sports, duke vazhduar:

“Isha mirë, me dy fitore kundër West Ham dhe Chelsea, dhe papritmas trajneri më vendosi në stol. Kundër Wolves ai më aktivizoi pesë minuta. Unë pyeta pse dhe ata nuk më thanë asgjë.”

Conte dëshiron të kthehet në Itali, shkruante “Times” dy ditë më parë.