Ish-deputetja e PD-së, Rudina Hajdari ka folur për Kuvendin e Partisë Demokratike që mbahet nesër nga grupi i Rithemelimit. E ftuar në emisionin “Zonë e Lirë”, Hajdari pranoi se në rrugën e politikës u fut për të vazhduar atë që la përgjysmë babai i saj Azem Hajdari dhe për këtë ka vendosur që të shkojë edhe në Kuvendin e Rithemelimit dhe të garojë për të qenë pjesë e Këshillit Kombëtar. Hajdari tha se ka punuar fort, por nuk mohon as faktin se në politikë, në çdo parti ka brryla dhe thashetheme.
“Jam munduar të jem Rudina Hajdari, por nuk e mohoj dot se jam e bija e Azem Hajdarit. Jam shumë e lumtur që jam e bija e tij dhe ëndrra ime është të vazhdojë rrugën e lënë përgjysmë nga babai im. Mendon që gjërat mund të ecin përpara. Mund të jetë diçka revanshive për të ecur përpara, një revansh kundër padrejtësive që më janë bërë. Ndaj e kam marrë këtë përsipër , ndaj do jem në kongres dhe ndaj aspiroj të jem anëtare e Këshillit Kombëtar. Unë jam paragjykuar dhe ju e dini se partia funksionon me thashetheme dhe duke vendosur bërryla për të të penguar që të mos ecësh përpara. Nëse unë nuk e kam mbështetjen edhe mund të mërzitem, por besoj se nuk do të ndodh kjo gjë, sepse kam punuar fortë dhe nuk ka pse të ndodh kjo gjë. Vetëm nëse do të manipulohet vota pastaj” – tha Hajdari.
Discussion about this post