Pavarësisht klimës ekonomike, biznesi është ende një mënyrë për familjet shqiptare, në një raport të publikuar nga Open Data Albania, në muajin e parë të këtij viti janë regjistruar 477 biznese te reja.
Nëse do zgjeroheshim në hartën gjeografike, Tirana është qyteti qe kryeson listën me numrin më të lartë te hapjes së bizneseve me 174 të tillë, duke u pasuar nga Durrësi, me 64 të tillë.
Vlora e Fieri kanë përkatësisht 45 dhe 40 biznese që janë regjistruar për këtë vit. Në Shkodër deri më tani, janë regjistruar 35 biznese, Lezhë dhe Elbasan 30 secili qytet, ndërsa në Korçë 26 bznese të regjistruar. Qytetet që kanë më pak aktivitete biznesi të regjistruara për këtë vit janë Berati me 14, Dibra 10, Gjirokastra 5 si dhe Kukësi 4.
Këtë të fundit duke e krahasuar me vitin 2023, ka rezultuar si qyteti me numrin më të ulët të bizneseve të hapura duke arritur në 130.
Discussion about this post