Në kërkim nga Polonia, arrestohet në Hanin e Hotit

Një i kërkua nga drejtësia polake është arrestuar në Hanin e Hotit, nga policia shqiptare.

“Si rezultat i intervistimit të detajuar dhe shkëmbimit të informacionit ndërmjet Interpol Tiranës dhe homologëve në Poloni, u ndalua në hyrje të Shqipërisë, shtetasi polak Jan Stanek, 61 vjeç. Ai ishte shpallur në kërkim ndërkombëtar, pasi autoritetet gjyqësore në Poloni e kanë dënuar me 4 vjet e 6 muaj burgim, për vjedhje dhe krime në fushën e narkotikëve”, njoftoi policia.

Vijojnë procedurat për ekstradimin e 61-vjeçarit në Poloni, shtuan të njëjtat burime.