Policia e Durrësit ka arrestuar një 46-vjeçar të shpallur në kërkim për vjedhje. Blutë bëjnë me dije se ndaj 46-vjeçarit ishte vendosur masa e sigurisë “Arrest me burg” nga Gjykata e Durrësit. Ky shtetas dyshohet se ka kryer disa vjedhje në banesa të ndryshme.
“Në vijim të kontrolleve bazuar dhe në inteligjencën policore, për lokalizimin dhe kapjen e personave të shpallur në kërkim, specialistët për Hetimin e Krimeve të Komisariatit Durrës, kapën dhe ndaluan shtetasin D. Sh., 46 vjeç, banues në Durrës.
Gjykata e Durrësit, ka vendosur masën “Arrest me burg”, për veprën penale “Vjedhja”. Ky shtetas dyshohet se ka kryer disa vjedhje në banesa të ndryshme ku vijon puna për dokumentin e plotë ligjor të veprimtarisë kriminale në fushën e vjedhjes nga ky shtetas.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme”, njoftoi policia.
Discussion about this post