Në kërkim të personave me rekorde kriminale, 3 të ndaluar në Gramsh

Forcat e Ndërhyrjes së Shpejtë kanë zhvilluar një operacion paraditen e kësaj të marte në Gramsh.

Mësohet se objekt i aksionit ka qënë skedimi i personave me të shkuar kriminale dhe kontrolli i mjeteve të luksit.

Kujtojmë se në aksionin anti-drogë të zhvilluar pak ditë më parë ku u ndaluan 45-persona pati edhe nga bashkia e Gramshit.

Sipas burimeve jo zyrtare në aksionin e sotëm janë ndaluar 3 persona të shpallur në kërkim si dhe janë dërguar për verifikim në komisariatin e policisë së Gramshit edhe 5 automjete ku po pyeten drejtuesit e tyre pasi ka dyshime se janë të vjedhura.

Ndërsa aksioni është duke vijuar, në vëmendjen e bluve për bashkinë e Gramshit është monitorimi dhe luftimi i kultivuesve të lëndëve narkotike.