Ish-presidenti amerikan, Donald Trump, i ka thënë homologut të tij rus, Vladimir Putin, se duhet ta luajë të fortin para tij sa për t’u dukur i tillë para kamerave.
Kjo bëhet e ditur nga libri i titulluar “I’ll take your questions now”, që ka shkruajtur ish-zëdhënësja Grisham. Ajo ka pretenduar t’i ketë dëgjuar vetë këto fjalë.
“Në rregull, do të sillem pak më i fortë me ty për disa minuta, por është për kamera dhe pasi ti të largohesh, do të flasim. A po kupton?”, Grisham thotë ta ketë dëgjuar Trump duke i thënë homologut rus gjatë takimit në Osaka të Japonisë më 2019.
Para gazetarëve në Samitin e G20-ës në Japoni, kur Grisham ishte afër, Trump ishte tallur me Putinin, duke thënë se të dy duhet t’i heqin qafe gazetarët që kanë publikuar lajme të rreme, duke i thënë kreut të Kremlinit: “Ju në Rusi s’e keni këtë problem”.
Putini ia kishte kthyer: “Po, po, edhe ne e kemi të njëjtin”. Trump më pas i buzëqeshi Putinit dhe i tha: “Mos u përziej në zgjedhje”, thuhet në artikullin e The Guardian.
