Në mes Mitsotakis, homazhet për Janullatos bëjnë bashkë Berishën dhe Ramën

Po mbahet ceremonia e lamtumirës për Kryepeshkopin Anastas, i cili do të përcillet sot për në banesën e fundit.

Një numër i lartë politikanësh, personalitetesh fetare dhe besimtarë po kryejnë nderimet e fundit për Kryepeshkopin.

Në Katedrale kanë mbërritur Presidenti Bajram Begaj, kryeministri Edi Rama, e ngarkuara me punë e SHBA Nency VanHorn, kryeparlamentarja Elisa Spiropali, kreu i Partisë Demokratike, Sali Berisha, kryeministri grek Mitsotakis, ministra dhe politikanë, përfaqësues të komuniteve fetare dhe personalitete të shumta.

Për herë të parë pas një kohe tepër të gjatë, kryeministri Edi Rama dhe kreu i PD-së, Sali Berisha janë bërë bashkë në homazhet për kryepeshkopin Anastas Janullatos.

Siç shihet në këto pamje, kryeministri Edi Rama dhe kreu i PD-së, Sali Berisha janë ulur shumë pranë njëri-tjetrit, ndërsa në mes të tyre ndodhet kryeministri i Greqisë, Kyriakos Mitsotakis.

Dy liderët kryesore, Edi Rama dhe Sali Berisha edhe pse janë shumë pranë njëri – tjetrit kanë shmangur takimin me njëri-tjetrin.