Kriza ekonomike e cila ka kapur çdo qytetar të vendit, mesa duket nuk ka mbërritur në Bashkinë e Erion Veliajt. Kjo pasi vazhdon akoma saga e tenderëve për shërbime të cilat mund të shmangen për një moment të dytë dhe taksat e qytetarëve të shkojnë për t’iu ardhur në ndihmë qytetarëve. Në datën 30 Mars 2022, Bashkia e Tiranës hap tender për Shërbim Online për Monitorimin e Trafikut, me vlerë 20.750.240 lekë të reja, ose rreth 207 milionë lekë të vjetra.
Pra, Lali Eri do të shpenzojë 207 milionë lekë të vjetra për të monitoruar trafikun e Tiranës, që e ka shkaktuar vet ai. Ngushtimi i rrugëve me korsi biçikletash pa plan urbanistik dhe ndërtime pallatesh në çdo cep, janë ‘veprat’ e Veliajt që kanë sjell trafikun e rënduar në qytet. Dhe për ta monitorar, i duhen edhe ca lekë për pajisje të shtrenjta.
Në të kundërt, 207 milionë lekë mund të kishin shkuar për familjet në nevojë që përballen me çmimet e larta dhe kostot e jetesës. Por, Lali Eri si me krizë si pa krizë, nuk do të ndalë keqmenaxhimin e taksave të qytetarëve, ndërsa qytetarët t’i luten Zotit në barrën e rëndë të çmimeve që u kanë rënë në kurriz dhe trafikun që nuk do gjej zgjidhje edhe me pajisjet me vlerë 207 milionë lekë që ai do të blejë.
Gijotina.com
Discussion about this post