Ndërsa temperaturat rriten, rreth 450 familje të fshatit Belinë në njësinë administrative Zharrës vuajnë jo vetëm mungesën e ujit të pijshëm në rubinetët e banesave të tyre por edhe atë të vaditjes për kulturat bujqësore.
Ata thonë se uji një orë në dy ditë u mbërrin në banesa dhe për këtë duhet të presin orët e natës
“Për uji të pijshëm nuk bëhet llaf fare. Blejmë.”
“I gjithë fshati nuk pinë ujë këtu”
“Marrim ujë, vend tjetër”
Nga ana tjetër banorët pohojnë se fshati ka një rrugë kryesore që është afro një kilometër e gjatë në mes të fshatit por pjesa që hyn në fshat as 200 metra e gjatë nuk ka parë rikonstruksion prej më shumë se 15 vjetësh.
“Ne kemi një rrugë këtu rreth 200 metra, atë është turp pa shtuar. “
“Është gropa gropa”
Ankesat e tyre kanë rënë gjithmonë në vesh të shurdhër të bashkisë së drejtuar nga Armondo Subashi.
“Pse kështu jetohet këtu, janë në rregull këta? Ne kemi bërë gjithmonë po ata nuk e kanë vënë ujin në zjarr fare. Këtu është të ikësh me vrap.”
Fshatrat e Fierit kanë denoncuar në vazhdimësi mungesën e investimeve.
Discussion about this post