Balerini i njohur Ilir Shaqiri gjatë emisionit “Pardon My French” ka dhënë komentet e tij për edicionin e 3-të të spektaklit Big Brother VIP, që pritet të startojë të shtunën.
Duke qenë një nga pjesëmarrësit në edicionet e kaluara të BB VIP Albania, Shaqiri tha se ka shijuar pa masë spektaklin, pavarësisht ulje-ngritjeve të humorit dhe konfikteve që krijohen aty brenda.
Në këtë kuadër ai u shpreh se konfliktet janë të pashmangshme, sikundër edhe luhatjet e humorit, përsa kohë vihet në provë vetja përballë gjithë publikut.
“Këtë vit kam dëgjuar që janë shtuar edhe kamerat. Do të jetë shumë problem i madh mendoj që gjithë kjo lloj teknologjie e avancuar që do të përdoret këtë vit sepse nuk do të kenë mundësi as të gërhasin të qetë të themi, ajo që uroj dhe do të doja të shikoja është secili prej tyre të promovonte atë që është kultura që kanë në vetvete, pavarësisht debateve që është normale që do të lindin dhe konfikteve të interesit. Mendoj që BBV duke pasur këtë lloj diapazoni kaq të fuqishëm dhe të menjëhershëm tek njerëzit të arrij të përcjellë atë që ne si shqiptar jemi. Jo ne si shqiptarë zihemi ose grindemi”, tha ai.
Discussion about this post