Afro 2 mijë qytetarë të Komunës së Deçanit, që nga e diela janë duke u përballur me simptoma të helmimit, e që dyshohej se shkak ishte uji i ujësjellësit.
Ndërkohë në një lidhje telefonike me emisionin “Shqipëria Live”, ai u shpreh se situata është në përmirësim e sipër. Ramosaj u shpreh se tashmë janë afër rezultatit për të gjetur shkakun e këtij helmimi.
“Dyshohet një baktere e përzier me ujin për shkak të shiut, lajm i mirë që dimë nga erdhi ky helmim. Po ashtu lajm i mirë që kemi më pak të shtruar në spital”, tha kryetari i Komunës së Deçanit.
Kryetari i komunës, Bashkim Ramosaj pak minuta më parë ka bërë një postim në Facebook ku ka shkruar se “Po merr fund “misteri”, populli nuk ja huq kurrë”.
Ramosaj nuk ka pranuar të komentoj më tej duke theksuar se gjithçka do të bëhet publike në një konferencë në orën 16:00.
