Kreu i sindikatës të punonjësve të policisë Sadetin Fishta, ka ngritur shqetësimin se një numër i konsiderueshëm i efektivave të policisë, punonjës të reparteve të ndryshme nuk kanë marrë ende pagesën për orët suplementare. Fishta është shprehur se më të prekur nga pagesat e prapambetura janë repartet shqiponja dhe policia rrugore. Kreu i sindikatës tha se rreth 4 mijë punonjës po mbahen peng pasi kanë konkurruar për gradat inspektori i parë dhe i dytë çka po u pengon edhe rritjen e pagës.
“Tani pothuajse shumica e policisë është e mbingarkuar me shërbimi. Është kryesisht qarkullimi rrugor, janë forcat Shqiponja. Implementimi për 4 mijë policë për dhënien e gradave inspektor i dytë dhe i parë që përfitojnë vetëm nga marrja e gradës” – është shprehur Fishta.
Duke iu referuar ngjarjeve ku efektivat e policisë janë vendosur në shënjestër të sulmeve me lëndë plasëse apo me lëndë djegëse, kreu i sindikatës thotë se këto raste duhet të hetohen me seriozitet.
“Diçka nuk shkon. Ose personat janë të ekspozuar në përplasje me krimit ose ka diçka tjetër që duhet zbuluar me kalimin e kohë, ku mund të ketë pasur edhe komprometime.”
Një model kontrate e re për punonjësit e policisë i është dërguar drejtorit të përgjithshëm të policisë së shtetit, Gledis Nano nga sindikata e cila përveç pagës është kërkuar, përmirësimi i kushteve duke përfshirë duke filluar nga dietat e deri tek uniformat.
Discussion about this post