Presidentja Vjosa Osmani ka deklaruar ditën e sotme se Serbia nuk mund të bëjë paqe me Kosovën, për aq kohë sa e sheh atë dhe vendet e tjera të Ballkanit si shtete të përkohshme. Gjithsesi ajo u shpreh e prerë se Kosova do të qëndrojë si komb i pavarur dhe sovran.
Gjatë një interviste televizive Osmani foli për krimet serbe të kryera gjatë luftës në Kosovë, krimet në fshatin Poklek, ku tha se ka qenë së fundmi. Për agresionin rus në Ukrainë tha se imazhet e Ukrainës, ngjajnë me ato që populli i Kosovës i ka kaluar dy dekada më parë. “Ne jemi këtu për të qëndruar si kombe të pavarura, sovrane dhe të gjalla demokratike. Imazhet që shohim në Ukrainë për shkak të agresionit rus kundër popullit të pafajshëm janë një kujtesë e rëndë e asaj që ne duhej të kalonim”, tha Osmani.
Osmani theksoi se në 10 vitet e fundit Serbia ka arritur që të rrisë bashkëpunimin politik, ushtarak dhe ekonomik me Rusinë në nivelin që nuk ka qenë asnjëherë më parë. “Vetëm një shembull 2012 numri i ushtrimeve ushtarake mes Serbisë dhe Rusisë ka qenë 2 në vit, derisa tani është më shumë se 100 në vit”, u deklaroi ajo. Osmani shprehu shqetësimin edhe për blerjen e armëve nga Serbia.
Discussion about this post