Në konteinerin me banane që u gjet në portin e Durrësit, mungonin 49 arka ku dyshohet se mund të jetë fshehur lënda narkotike, kokainë. Në dosjen e prokurorisë thuhet se në total në kontenier do të duhet të kishte 1200 kuti bananesh, por pas numërimit rezultoi se 49 prej tyre mungonin.
Prokuroria pretendon se heqja e arkave të bananeve nga kontenieri mund të ketë ndodhur mes datave 12-16 Korrik. Në datën 13 kontenieri ka lëvizur nga kati 1 në të tretë, në datën 14-15 ka pasur vetëm 1 roje nga dy që duhet të ishin normalisht.
Në datën 16 është konstatuar dhe marrja e 49 arkave në kontenierin me banane.
“Nga dokumentacioni i administruar rezulton se e deklaratën doganore nr.R 15038, date 15.7.2022 shoqëria “Zico” sh.a ka deklaruar banane të freskëta të papjekura në sasi 22 800kg, në vlerën 359, 655 kg.
Nga këqyrja e grafikut të shërbimit të grupeve operative të Forcave të Sigurisë së Autoritetit Portual për datën 08.07.2022-16.07.2022 rezulton se në turnin me orar 19:00-07:00 për datën 08.07.2022 në vendin e shërbimit nr44 Terminali i kontejnerëve dhe nr.44/1 Patrullë tek Terminali I Kontejnerëv kanë qenë në shërbim të punonjësit FSAPD Kastriot Dicka dhe Armando Murataj. Më datë 09. 07.2022 kanë qenë në shërbim punonjësit e FSAPD”, thuhet në dosjen e prokurorisë së Durrësit.
Një veprim tjetër që shton dyshime është fakti se kontenieri i Bana King, është vendosur në vendin ku rrinë kontenierët e zakonshëm, kur në fakt ngarkesat që vijnë nga Ekuadori konsiderohen me rrisk të lartë.
Për këtë prokuroria ka kërkuar mbajtjen në burg të 20 personave që u arrestuan nga policia, 18 prej të cilëve janë punonjës të sigurisë në portin e Durrësit.
Discussion about this post