Në konferencën për mediat, kreu i Partisë së Lirisë, Ilir Meta, është pyetur se kur mund të fillojë të zbatohet Referendumi nga Partia e Lirisë, ku tha se procesi mund të nisë që në shtator të këtij viti duke theksuar se qeveria aktuale është e ikur. Meta u shpreh me nisjen e vjeshtës do të punohet për qeveri teknike.
“Ato produktet e Këshillimit Kombëtar do të shkojnë te ‘Djegsat’ se nuk ekzistojnë. Do të bëjmë çdo gjë që referendumi të jetë i zbatueshëm, prandaj Haxhinasto do koordinojë procesin, nëse zgjidhet që në shtator një gjë e mrekullueshme por në çdo rast është alternativë e kohës, madje jemi të vonuar. Duke respektuar ligjin, kemi potencial edhe më shumë se Zvicra, por do bëhemi si ajo kur të zbatohet referendumi. Patronazhistët do të jenë njerëz të lirë pas referendumit. Do përshpejtojë zgjedhjet e përgjithshme dhe do sjellë shumicë të fortë me vullnet të hekurt politik. Pse hyri Meta në grevë për kushtetutën në 2007, dhe situata do të jetë e vazhdueshme deri në zbatimin e plotë të saj. Do ta bëjë populli shqiptar me hir apo pahir, vendimet i merr ai. Kjo qeveri është e ikur. Në shtator kemi punë të tjera. Në shtator do punojmë për qeveri teknike, parlamenti të mblidhet që tani meqë ishte tromaksur dhe zonja Lindita”
Më tej ai nuk la pa ngacmuar edhe kreun e grupit parlamentar të Paretisë Socialiste, Taulant Balla, i cili tha se vazhdon me humorin pavarësisht se përfshirjet e tij me grupe kriminale kanë sjell probleme aq sa partia e tij e spostoi nga Elbasani por ai ka përgjegjësi.
“Tao Tao vazhdon me humorin pavarësisht se përfshirjet e tij me grupe kriminale kanë sjell probleme aq sa partia e tij e spostoi nga Elbasani por ai ka përgjegjësi. Lidhur me këtë kam një kundërshti. Ne duhet ti dalim për zot negociatave. Një qamet u vërtetë është ky parlament por është një hap përpara. Tao Tao duhet t’i thotë shefit të tij, për shkak të një përgjimi dha dorëheqjen drejtori I SHISH, sekretari dhe doli kryeministri dhe bëri autokritik. Situata është shumë dramatike për shefin e Tao Taos, se është 1000 përqind e provuar se ka ndodhur një cënim i rendit kushtetues, se në kohën që Meta ka qenë president, shefi i Taos ka urdhëruar dhe ka garantuat mbrojtje N.L, i dalluar si poliagjent dhe një ish shiksi, të cilët në bashkëpunim me persona të tjera kanë manipuluar dosjen e ndjekjes se qytetarit F.T, I cili është edhe shtetas amerikan. Nëse nuk tronditet Lindita e parlamentit tonë, do habiten kongresmenet, se si guxohet pas 33 vitesh të manipulohet në mënyrë kriminale” – u shpreh Meta.
Discussion about this post