Kryeministri Edi Rama ka paralajmëruar “tërmet” në PS pasi deklaroi se do të kallëzojë në SPAK kryebashkiakë socialistë që sipas tij kanë turpëruar PS duke shpërdoruar detyrën.
Në konferencën për ecurinë e Reformës në Drejtësi, Rama tha se sëshpejti do të ketë denoncime nga PS për kryebashkiakët, ku i pari në listë pritet të jetë qytetarë i parë i Vlorës, Dritan Leli. Nisur nga marrëdhënia e tensionuar mes të dyve, Rama duket se po i bën gati derën e burgut Lelit.
“Shumë shpejt do të keni kallëzime edhe për figura të PS nga njësia anti kosrrupsion, do të keni kallëzime në SPAK për kryetar e bashkie që kanë turpëruar PS që duhet t’i kishte kapur më parë drejtësia Njësia antikorrupsion nuk bën punën e SPAK, çfarë kallëzimesh të bëjmë ne për non-gratën? Çfarë të bëjmë ne, ajo është gjëja e parë, një akuzë që është më rëndë se e çdo gjykatë, ndërkohë është bërë një vorbull e madhe e dalin lloj lloj analistësh, marrin nëpër gojë dreqin e të birit, sikur Amerika është klubi i Çimit të Syri.net. ta marrin ta hetojnë, është apo s’është. Njësia antikorrupsion bën kallëzime në kuadër të veprimtarisë së vet. Nuk bëjmë dot kallëzim për politikanët kundërshtarë. I kemi bërë dhënë në të kaluarën dhe kam qenë gjithmonë kundër, por kur nuk ka drejtësi nuk ke çfarë bën”, tha Rama.
Discussion about this post