Ka përfunduar pa incidente tubimi i organizuar nga Lista Serbe në Mitrovicën e Veriut ku liderë të saj mbajtën fjalën me radhë duke akuzuar Kosovën për diskriminim dhe duke bërë thirrje për krijimin e asosacionit.
Gjatë tubimit të mbajtur ditën e sotme në Mitrovicë të Veriut janë shfaqur postera me mbishkrimin “Putini në Kosovë” së bashku me flamurët rusë, krah atyre serbë.
Serbia njihet për raportin e saj të ngushtë me Rusinë ku edhe pas nisjes së luftës në Ukrainë ajo nuk i është bashkuar sanksioneve të Perëndimit kundër Moskës. Edhe pse e ka dënuar luftën në Ukrainë dhe iu bashkua rezolutës së OKB-së kundër Rusisë, Serbia nuk pranon që ta sanksionojë atë, madje në Samitin e fundit të OKB ministrat serbë nënshkruan disa marrëveshje bashkëpunimi.
Tubimi u mbajt para monumentit të Car Llazarit, ndërsa zyrtarët serbë bënë thirrje njëri pas tjetrit se shteti i tyre i vetëm është Serbia dhe presidenti Aleksandër Vuçiç.
Lexo edhe: Inteligjenca britanike zbulon sekretet: Ku po çalon strategjia e Putinit
Kreu i Listës Serbe Goran Rakiç ka vendosur që të dalë nga institucionet e Republikës së Kosovës. Ky vendim ka ardhur pas takimit që kanë mbajtur me të gjithë ata që punojnë në institucionet e Republikës së Kosovës. Serbët këtë vendim e kanë marrë si shenjë revolte ndaj vendimit të kryeministrit Kurti për targat dhe për vendimin për suspendimin e drejtorit rajonal të Policisë në veri, Nenad Gjuriç.
Discussion about this post