Zëvendës presidenti i skuadrës së Juventusit, Pavel Nedved ka komentuar situatën aktuale të bardhezinjve dhe projektin e ri fitues të klubit më të titulluar në futbollin Italian.
“Kemi fituar për shumë vite dhe kishte ardhur momenti që të rinovonim organikën e skuadrës, me një përzierje të duhur të lojtarëve ekspertë si Buffon, Chiellini dhe Bonuçi me të rinj si Chiesa dhe De Ligt. U munduam që të realizojmë të tashmen dhe të ardhmen e klubit, me objektivin e qartë që të ishim konkurrues si në Itali edhe në Europë. Për të vazhduar fitoret.
Juventusi ka lindur për të fituar, projekton të ardhmen me të rinj që do të jenë motori që do të sjellë fitoret e së ardhmes. Mendojmë edhe për të tashmen, sepse është e rëndësishme që të ndërtohet me të rinjtë.
Kemi arritur shumë fitore, por edhe shumë humbje. Do të analizojmë një sezon ku kemi fituar 2 nga 4 trofetë e mundshme, kur trajner kishim një debutues si Pirlo dhe një lojtar si Cristiano Ronaldo në skuadër”, deklaroi Nedved.
Discussion about this post