Negociatat me aleatët, Berisha: Kemi mirëkuptim të plotë

Kreu i opozitës, Sali Berisha thotë se ka mirëkuptim të plotë me aleatët në lidhje me zgjedhjet lokale të 14 majit.

Berisha u shpreh se aktualisht, negociatat po ecin shumë mirë, por nuk dha detaje lidhur me temat e diskutimeve në këto takime.

“Kemi pasur mirëkuptim të plotë dhe po ecin shumë mirë negociatat me aleatët tanë”, theksoi Berisha në një prononcim të shkurtër për mediat.

Kryetari i Partisë Agrare Ambientaliste (PAA), Agron Duka i ka shkuar në zyrë sot Sali Berishës. Krahas tij, edhe kreu i PBDNJ-së, Vangjel Dule ka zhvilluar një takim me Berishën në selinë blu.

Gjykata e Apelit vendosi që ta rrëzojë vendimin e Gjykatës së Shkallës së Parë, që i dha të drejtë Sali Berishës të marrë drejtimin e Partisë Demokatike si dhe vendosi që çështja të kthehet në rigjykim.