Ish-kryeministri Sali Berisha deklaroi këtë të enjte se e ka mirëpritur pozitivisht propozimin e “grupit Alibeaj” për bashkimin e Partisë Demokratike në zgjedhjet lokale dhe daljen me një kandidat të përbashkët. I ftuar në emisionin Opinion, Berisha deklaroi se në negociatat që pritet të bëhen midis Gazment Bardhi dhe Edi Palokës, asnjë nga palët nuk ka paraqitur kushte paraprake dhe kjo është një shenjë që të çon drejt bashkimit.
Ai ftoi secilin prej deputetëve të grupit Alibeaj që të garojë për cilëndo nga bashkitë që dëshiron.
“Plotësisht pozitive, shumë e mirëpritur. Të hapur totalisht. Ë prej tyre është i mirëpritur të kandidoj për secilën bashki që dëshiron. Ë deputet është i mirëpritur të sugjeroj cilindo kandidat. Unë garantoj që ky qëndrim është plotësisht i hapur, serioz dhe pa asnjë lloj paragjykimi apo prapamendimi. Mirëpres çdo kontribut të ë demokrati në këtë proces. Zoti Paloka është në kontakt me zotin Bardhi dhe Paloka ka rastistur në një udhëtim në Asamblenë Parlamentare në Ruanda, por ka mbajtur kontakt me ta. Bashkim të vërtetë në një betejë shumë të rëndësishme për demokracinë shqiptare. Nga grupi ynë nuk ka asnjë kusht, zero kushte, tërësisht të hapur. Me sa kam dëgjuar dhe pala tjetër nuk ka kushte dhe bashkimi kështu ndodh”, tha Berisha.
Discussion about this post