Kryeministri Edi Rama ka dalë në një konferencë të përbashkët me Presidentin e Këshillit Evropian Charles Michel ku ka treguar më shumë detaje nga takimi mes të dyve dhe pritshmëritë për hapjen e negociatave në qershor dhe integrimin.
“Besoj se kjo tregon se procesi është në një nivel tjetër të bashkëjetesës mes unazës politike europiane, si rezultat i një vullneti gjithnjë e më të shprehur nga ana e autoriteteve në Bruksel për të afruar më shumë Ballkanin Perëndimor drejt BE. Dëshiroj të theksoj se fronti i përbashkët është më i miri kundër së keqes, duke pasur parasysh konfliktin ushtarak në Ukrainë. Folëm për angazhimet dhe për sfidat në raport me Luftën, folëm patjetër për procesin në vigjilje të Këshillit Europian, dihet që Shqipëria dhe Maqedonia e Veriut janë në agjendë, folëm për ecurinë për Ballkanin e Hapur, për të gjitha sfidat e rajonit dhe për reformat në vendin tonë, duke filluar nga reforma në Drejtësi, e ndoqëm edhe dje operacionin domethënës të policisë së shtetit, për të goditur një rrjet kriminal dhe për ti dhënë ndoshta goditjen më të rëndësishme krimit të organizuar, ashtu sikundër vënien para drejtësisë të personave me lidhje të forta. Kemi hedhur hapa dhe me vende që prej kohësh i kanë çelur negociatata”, tha Rama.
Zyrtari i lartë europian ka mbërritur në Tiranë në kuadër të turit që po zhvillon në Ballkanin Perëndimor ku ditën e djeshme ishte në Serbi, ndërsa pas Shqipërisë do t’i drejtohet Bosnje-Hercegovinës.
Discussion about this post