Nejmar do të jetë mungesa e madhe e kombëtares së Brazilit në klasiken e futbollit amerikano latin, ndeshja e vlefshme për kualifikueset e kampionatit Botëror. Një ndeshje madhështore e gjitha për tu shijuar por mungesa e yllit të seleçaos do ta zbehë paksa bukurinë e kësaj përballje që pritet të mbërthejë pas ekranit me qindra miliona teleshikues në mbarë botën. Ndeshja e fundit ndërmjet këtyre dy kombëtareve u zhvillua në finalen e Kupës së Amerikës ku Argjentina doli fituese falë golit të Angel Di Maria.
Sfida premton spektakël teksa Argjentina është favorite në këtë përballje për shkak se numëron mbi 26 takime pa humbje në të gjitha kompeticionet. Nejmar nuk po gëzon një formë të mirë për shkak të dëmtimeve të shpeshta. Në kampin e PSG janë alarmuar pasi koha e rikuperimit të brazilianit nuk është mësuar ende.
Discussion about this post