Biznesmeni Gentian Sula është paraqitur ditën e sotme në SPAK, në zbatim të masës së sigurisë, për t’u marrë në pyetje në lidhje me hetimet për Erion Veliajn, ku dhe ai vetë është një prej të akuzuarve.
Biznesmeni akuzohet për kryerjen e veprës penale “Korrupsioni aktiv i funksionarëve të lartë shtetërorë ose të zgjedhurve vendorë”, teksa ndaj tij, GJKKO ka caktuar masën “Detyrim paraqitje”. Sipas vendimit të gjyqtarit Erjomn Bani, Gentian Sula duhet të paraqitet në SPAK të Premten e parë dhe të katërt të çdo muaj, në orën 14:00.
Gentjan Sula, pronar i kompanisë së ndërtimit “Agi Kons”, e cila ka fituar disa tenderë publikë të rëndësishëm nga Bashkia e Tiranës, përfshirë rehabilitimin e Parkut Rinia, ndërtimin e Teatrit të Kombëtar dhe një PPP për ndërtimin e shkollave në kryeqytet.
Nga veprimet paraprake, SPAK ka konstatuar se lidhejt e Veliajt me biznesmenin janë të vjetra dhe se ata kishin udhëtuar së bashku me avion ‘charter’ nga aeroporti i Rinasit që në vitin 2004. Hetimet paraprake gjithashtu kanë tregur se vëllai i kryebashkiakut, Arbër Veliaj, posedon një vilë në Qerret të ndërtuar nga “AGI KONS”, ndërsa bashkëshortja e Veliajt, Ajola Xoxa, ka deklaruar një apartament në rezidencën “Kodra e Diellit”, gjithashtu e ndërtuar nga e njëjta kompani.
Më konkretisht, dyshohet se Erion Veliaj ka përfituar 3 vila në Qerret, ku një e posedon vëllai Arbër Veliaj, një tjetër është në emër të Valbona Xoxës, nënës së Ajola Xoxës, por që dyshohet se pronari “de facto” është Erion Veliaj, ndërsa një tjetër e kanë prishur për të zgjeruar hapësirën para vilave.
Në dosje përmendet dhe fakti që gjatë kohës që Erion Veliaj drejtonte ministrinë e Mirëqenies Sociale dhe Rinisë, emëroi në postin e zëvendësministres bashkëshorten e biznesmenit Gentjan Sula, Gentiana Sulën
Një nga rastet e korrupsionit lidhet me dhënien e përfitimeve nga kompania “Agi Kons” Shpk, përmes përfaqësuesit të saj Gentian Sula, në favor të Veliajt dhe Xoxës. Kjo kompani, gjatë kohës që dhuronte këto fonde, siguroi një kontratë të majme me Bashkinë e Tiranës për ndërtimin e shkollës “Qazim Turdiu” me vlerë mbi 362 milionë lekë, si dhe një leje ndërtimi për një kompleks banimi, e nënshkruar nga vetë kryebashkiaku Veliaj.
Gentian Sula ka dëshmuar edhe më herët në SPAK mbi hetimet për Erion Veliajn, teksa i është sekuestruar edhe telefoni.
Discussion about this post