“Ka nisur kur ishte 12 vjeç, unë nuk dija gjë fare”, ka deklaruar nëna e viktimës së radhës nga dhunë seksuale në Gjirokastër, duke shpjeguar se tortura “e heshtur” ka zgjatur për 4 vjet.
Një një deklaratë për mediat ajo është shprehur se gjatë këtyre viteve dhe nuk kanë pasur dyshime tek vizitat e shpeshta të 53-vjeçarit. Ndërsa ka treguar se bashkëshortja e abuzuesit ka ndërruar jetë dhe se jeton me djalin.
“Vajza, erdhi dje tek psikologu dhe i tha që ka që 12 vjeçe e deri sot që ai kryen marrëdhënie me vajzën. Unë nuk dija gjë fare. Ma tregoi vetë vajza. Për herë të parë e kishte te shtëpia e tij. Është xhaxhai i burrit. Është i martuar po i ka vdekur gruaja. Ka një djalë. Nuk e di si e kishte bindur për herë të parë vajzën se ajo qe e vogël”, ka treguar ajo.
Nëna e viktimës ndër të tjera ka treguar se denoncimin për abuzimin prej 4 vitesh të të miturës nga 53- vjeçari e ka bërë xhaxhai i vajzës.
“Vajza tha vetëm dje. Mua s’më shkonte mendja se e kisha xhaxhain e burrit, thashë se do të na përkrahte., dhe ne nuk ramë në pre të këtij muhabeti. Ka kryer vazhdimisht marrëdhënie me vajzën. Tani shyqyr zotit është mirë. Vajza do më kishte vdekur, e katërta ditë sot, do ta kisha mbuluar do ta kisha qarë vetë. Denoncimin e bëri kunati im. Unë jam të më zërë kjo mbi të dhe të vdes fare. Nuk e dua jetën fare”, ka treguar ajo.
Gjendja shëndetësore e vajzës, sipas asaj që tregon nëna, sot është më e mirë por për shkak të opinionit, ka zgjedhur të heshtë. Ky fakt e bën akoma më të rëndë rastin në fjalë.
Discussion about this post