Nëna e viktimës 26-vjeçare Florenc Kovaçi ka reaguar ashpër për vrasjen e të birit dhe plagosjen e djalit tjetër, duke kërkuar drejtësi ose do të hakmerret personalisht.
Mirela Kovaçi, përmes një prononcimi për mediat, ka parë paralajmërim për hakmarrje, duke thënë se do të bëjë vetëgjyqësi nëse autoritete nuk i japin autorit Ardit Hida dënimin që meriton. Mes dhimbjes, Mirela Kovaçi ka treguar se ajo nuk dinte asgjë, por kanë qenë komshinjtë që i kanë thënë se djalin ja kanë vrarë në lagjen pranë fushës së sportit dhe kur ka shkuar atje e ka gjetur të birin të shtrirë në tokë. Mirela tregoi, se pati mundësinë që t’ia dëgjonte zërin për herë të fundit të biri. Ajo tregon për mediat se i biri i kërkoi si amanet që të kujdeset për nusen. Madje asaj i ka mbetur peng që djali nuk mundi të fliste më shumë, sepse po përpiqej t’i thoshte edhe fjalë të tjera, por që nuk kishte më fuqi, pasi aty dha shpirt.
“Unë nuk di gjë farë si ka ndodhur Më thanë të tjetër që e ik se e ke djalin tek sporti të vrarë. Shkova atje, e kam gjetur djalin shtrirë. E futa tek dera e ambulancës. Ai përpiqej. Tek dera e spitalit më kapi dhe më tha amanet çunin dhe gocën. Do më jepte edhe amanete të tjera, por nuk mundi më, madje më kafshoi dhe nuk foli më. Ishte me pa tmerrin me sy. Për atë tmerr që kam parë, unë do kërkoj të drejtën e fëmijëve të mi. Ai personi duhet të kalbet brenda në burg. Unë vetëm këtë di të flas, dua të drejtën e çunit, personi të kalbet në burg, këtë duan unë vetëm. Ai gjallë nuk rri, këtë e garantoj unë, nëse nuk vepron drejtësia do jem unë shkaktare që do e vras. Siç iku djali im 26 vjeç edhe ai do shkojë atje tek djali im, nuk do toleroj, nuk do fal. Unë nuk e lej atë, do shkoj lart e më lart për të drejtën e djalit”, u shpreh ajo.
Ndërsa në lidhje me vajzën që konsiderohet të jetë molla e sherrit mes të rinjve, nëna e viktimës ka folur me një gjuhë edhe më të ashpër. Ajo tregoi se djali nuk e njihte fare vajzën, por vëllai i saj, autori i ngjarjes ka sulmuar më kot Florencin. Gruaja tha se, as ajo nuk e njeh vajzë, por sipas informacioneve që i kanë ardhur, vajza në fjalë ishte e droguar.
Nëna e viktimës ka shkuar edhe më tej duke thënë se edhe vajzën nuk do ta lërë të qetë, nëse e shikon vërdallë vetë ajo do ta vrasë dhe do ta djeg me benzinë. Mirela këmbëngul se do t’i shkojë deri në fund kësaj çështje, madje kërkon burgim të përjetshëm për autorin, duke u shprehur se nuk mund t’i shohë ata gjallë, për derisa u bën shkak për vdekjen e djalit.
“Djali im nuk ka pasur kontakte farë me atë. As unë nuk kam pyetur fare për të, por lajmet vijnë. Ajo ka qenë një plehrë, ajo është rrotë k*rvë, pinte drogë, por djali im nuk e njihte. Madje ka ardhur tek lagjja kur po qanim çunin. Por, unë vetëm mos e takofsha, do marr 1 kg benzinë dhe do e djeg ta shoh tek përpëlitet dhe ajo. Si iku çuni im ashtu do iki dhe ajo, nuk e lej të gjallë unë jo. Unë dua të drejtën e fëmijës time dhe ai të kalbet brenda në burg, edhe ajo goca të futet brenda. Unë po qaja fëmijën ajo vinte dhe më kalonte këtu në lagje, nëse e shoh sërish e vras.”, tha e ëma. Sakaq, ajo tregoi se familja e autorit nuk ka marrë mundimin t’i kërkojë falje, por nëse kjo i shkon në shtëpi atëherë do të ketë gjak.
E.H/ Gijotina.com/
Discussion about this post