Nënë Liza, e njohur si e moshuara që luftoi për të mos iu shembur banesa e saj në zonën e ‘5 Majit’ në Tiranë, ka deklaruar se do të hedhë në gjyq, kryebashkiakun e Tiranës, Erion Veliajn duke e akuzuar për shpifje.
Ajo thotë se nuk ka firmosur asnjë marrëveshje me bashkinë dhe as nuk është takuar me Kreun e IMT. Nënë Liza thotë se kjo është hera e dytë që kryebashkiaku gënjen dhe se do ta padisë atë në gjykatë.
“Populli nuk duhet të rrehet, është t’u mashtru tërë ditën e tërë natën. Sa kam taku nënën e babën që kam në varr aq kam taku dhe Erion Veliajn. Nuk kam firmosur dhe as nuk firmos. Pa më dhënë kontratën e shpinë në rregull nuk firmos. Unë do e denoncoj tani Erion Veliajn, sepse nuk munda radhën e parë. Unë do ta akuzoj për shpifje. Nuk kam firmos e as nuk jam përqafu me të, as se kam parë”, tha nënë Liza për Ora News.
Banorët e lagjes “5 Maji” janë prekur nga projekti i rindërtimit dhe pas shembjeve të banesave të tyre ato kanë mbetur në mes të 4 rrugëve pasi një pjesë e madhe e banorëve ende nuk kanë firmosur një marrëveshje me bashkinë Tiranë se ku dhe kur do ti marrin shtëpitë.
Discussion about this post