Ditën e nesërme, 14 Mars, me rastin e festës së Ditës së Verës, do të organizohen disa aktivitete në Elbasan dhe në Tiranë.
Për mbarëvajtjen e aktiviteteve që do të zhvillohen, Policia e Shtetit në bashkëpunim me ato bashkiake, ka ndërmarrë një plan masash për kufizimin e qarkullimit të automjeteve në disa prej rrugëve, ku janë planifikuar zhvillimi i aktiviteteve.
Më konkretisht, gjatë pasdites së sotme dhe ditën e nesërme, nuk do të lejohet parkimi dhe do të ndalohet qarkullimi i automjeteve në disa prej segmenteve rrugore në qendër të Elbasanit, ndërsa, ditën e nesërme në Tiranë nuk do të lejohet qarkullimi i automjeteve në bulevardin “Dëshmorët e Kombit” dhe në rrugët “Papa Gjon Pali II” dhe “Ibrahim Rugova”.
“Për të siguruar mbarëvajtjen e aktiviteteve, në akset rrugore kryesore në qendrat e qyteteve, do të ketë kufizime të lëvizjes së automjeteve.
Në Elbasan, gjatë pasdites së sotme dhe ditës së nesërme, nuk do të lejohet parkimi i automjeteve dhe qarkullimi i tyre në disa segmente rrugore në qendër të qytetit, ndërsa në Tiranë, gjatë ditës së nesërme, deri në përfundim të aktiviteteve, nuk do të lejohet qarkullimi i automjeteve në bulevardin ‘Dëshmorët e Kombit’ dhe në rrugët ‘Papa Gjon Pali II’ dhe ‘Ibrahim Rugova’”, thuhet në njoftimin e Policisë
Autoritetet thonë se shërbimet e Policisë Rrugore dhe ato të Policisë Bashkiake do të jenë të terren, për të monitoruar lëvizjen e automjeteve, me qëllim shmangien e krijimit të trafikut dhe orientimin e drejtuesve të automjeteve, në rrugë alternative.
Discussion about this post