Ditën e nesërme pritet që në Shkup të arrijnë trupat e pajetë të 46 viktimave, të shënuara në aksidentit tragjik me autobusin në Bullgari. Mbërritja e trupave të viktimave do të shoqërohet dhe nga një ceremoni funebre që do të organizojë qeveria e Maqedonisë së Veriut, në nder të viktimave që humbën jetën tragjikisht. Trupat e viktimave do të mbërrijnë me dy avionë ushtarakë.
Pritet që në këtë ceremoni të jenë shumë zyrtarë të lartë, nga të cilët mësohet se nga kabineti qeveritarë do të marrin pjesë Elisa Spiropali, Bledi Çuçi dhe Niko Peleshi, si të deleguar të kryeministrit Rama, i cili për arsye ende të panjohura nuk do të marrë pjesë në ceremoni.
Pas ngjarjes së rëndë, ku shumica e viktimave ishin shqiptarë, në rrjetet sociale pati reagime të shumta kundër Ramës, për faktin që nuk shpalli një ditë zie sikundër bëri qeveria e Kosovës. Ndërkohë ditën e sotme doli dhe ekspertiza e këtij aksidenti tragjik, ku hetuesit kanë zbuluar se bankinat anës rrugës ku ndodhi aksidenti kanë qenë të vendosura gabimisht, pasi janë restauruar nga dëmtimi i një aksidenti të mëparshëm në atë vend.
Discussion about this post