Media prestigjioze amerikane, New York Times ka bërë një investigim për lidhjet e kryeministrit Rama me ish-zyrtarin e FBI-së, McGonigal, nga nisja e kontakteve dhe ndërmjetësi që zhvilloi takimin mes tyre.
NYT shkruan se, McGonigal nisi kontaktet me kryeministrin e Shqipërisë Edi Rama dhe ndërmori hapa për favorizimin e tij, gjatë kohës që ishte ende pjesë e FBI-së, sipas prokurorëve në Uashington. Rama e ka portretizuar veten si një reformator dhe ka dalë kundër luftës së Rusisë në Ukrainë, raporton New York Times.
MCGonigal
Por pas daljes në pension të tij në 2018, McGonigal punoi në anën tjetër, për oligarkun rus të sanksionuar, Oleg Deripaska, që dikur shihej si anëtar i rrethit të ngushtë të Presidentit Vladimir Putin, sipas aktakuzës së ngritur në Neë York ndaj McGonigal dhe Sergej Shestakov.
Pas aktakuzave të javës së kaluar, avokati i McGonigal, Seth D. DuCharme, tha se ky i fundit i kishte “shërbyer Shteteve të Bashkuara me aftësi, në mënyrë efektive, për dekada”.
Krimet
Krimet për të cilat McGonigal akuzohet datojnë që nga gushti 2017, por vlerësohet se hetimet do të shtrihen më tej, thanë ish-zyrtarët.
Gatishmëria e McGonigal për t’u takuar me kreun e shtetit në Shqipëri, një vend ku ka një prani diplomatike amerikane, sugjeron se ai nuk po e mbante të fshehtë përfshirjen e tij atje nga kolegët, thanë ish-zyrtarët. Ai gjithashtu përdori adresën e e-mail të FBI. dhe telefonin për çështjet që lidheshin me Shqipërinë, tha një burim nga hetimi për median amerikane.
Por çfarëdo preteksti zyrtar që mund të ketë përdorur McGonigal për udhëtimet, kjo mund t’i ketë shërbyer gjithashtu si mbulesë për aktivitete më të diskutueshme, thanë burime të tjera.
Fakti që krimet e dyshuara ndodhën pak përpara daljes në pension të tij, ngre dyshimet se McGonigal mund të ketë filluar ose rritur aktivitetet e paligjshme pas kryerjes së testeve të fundit të poligrafit.
Aktakuza detajon se si, gjatë dy viteve, McGonigal ka dhënë informacione të rreme financiare në F.B.I. Në formularë nuk deklarohej pagesa nga një biznesmen i Neë Jersey, i cili ishte ish-punonjës i një agjencie të inteligjencës shqiptare, si dhe udhëtime ndërkombëtare falas.
Prokurorët thanë se McGonigal gënjeu gjithashtu për destinacionet e tij të udhëtimit dhe ndërveprimet me të huajt në formularët që ai duhej të plotësonte dhe ndërmori veprime që duket se kanë rënë në kundërshtim me detyrat e tij qeveritare.
Discussion about this post