Motra e të dashurës së Neymar së fundmi ka bërë disa deklarata shumë të forta, pasi ajo pretendon se ai nuk pranon të jetë burrë. Partnerja e Neymar është Bruna Biancardi dhe motra e saj, Bianca Biancardi, realisht duket se nuk i shkon mirë me futbollistin. Ajo ka publikuar një deklaratë të gjatë përmes Instagram Stories, në të cilën ka kritikuar ashpër futbollistin.
“Unë mund t’ia dërgoj këtë në WhatsApp, por meqë atij i pëlqen të bëjë shaka në internet, le të fillojmë. Për të qenë e qartë, për sa kohë që ky ekspozim dhe shthurje vazhdon të ndodhë, unë do të vazhdoj të flas. Unë ju sugjeroj të ndaloni trajtimin e situatave serioze me shaka.
E di që është e vështirë të shihet serioziteti i situatës kur ju mungon përgjegjësia, përkushtimi dhe kujdesi për njerëzit e tjerë. Ju jeni të rrethuar nga njerëz që ju trajtojnë si një zot, duke duartrokitur shakatë tuaja. Komentet në foton në të cilën ai pranoi pabesinë e tij e tregojnë këtë.
Shumë njerëz citojnë Zotin dhe vargjet e Biblës, këta ‘të krishterë’ që flasin, por nuk e zbatojnë fjalën e Zotit në jetën dhe marrëdhëniet e tyre të përditshme. Vlerat, përkushtimi dhe karakteri janë inekzistente, po qeshni me situatën, në vend që të ndjeni turp dhe siklet. Po qeshni në rrjetet sociale duke ekspozuar edhe një herë motrën time. Ai mendon se të tjerët ‘duan ta rrëzojnë’, por ai e rrëzon veten.
Ai është një njeri që refuzon të jetë burrë, që refuzon të piqet dhe të marrë fajin për atë që bën. Ç’kuptim ka t’i kërkosh falje familjes në baby shower dhe të sillesh akoma si fëmijë? Për ata që mendojnë se motra ime është në këtë lidhje për interes, para dhe famë, ta kuptojnë njëherë e mirë se ajo nuk është dhe nuk ka nevojë për këtë.
Nuk ka pasur kurrë asnjë lloj kontrate apo marrëveshjeje, kjo është jashtëzakonisht fyese për dikë që është rritur shumë mirë, ka udhëzime, mbështetje, dashuri, vlera dhe është një shembull i mirë. Ajo është një grua shumë e suksesshme që punon që nga moshën 16-vjeçare. Si rezultat i punës së saj ka një jetë shumë komode dhe do të mund ta rrisë vajzën e saj në mënyrën më të mirë.
Ajo me të vërtetë është në këtë lidhje nga dashuria, duke dashur që vajza e saj të ketë familjen së bashku dhe një baba të pranishëm. Fatkeqësisht, ajo po e kalon këtë në atë që supozohej të ishte periudha më e lumtur e jetës së saj. Ata i kanë hequr qetësinë shpirtërore dhe kujtimet e mira që ajo meritonte në këtë kohë. Vendimi dhe zgjedhjet e saj i takon vetëm asaj, por ne do të jemi gjithmonë këtu!
Neymar, do të më pëlqente nëse bashkëjetesa jonë do të ishte gjithmonë e respektueshme dhe miqësore, dhe familja ime dhe unë jemi të gatshëm ta bëjmë këtë. Ajo që nuk do të tolerohet më është ky lloj publikimi fëminor, pa respekt dhe imoral.”/SHQIP
Discussion about this post