Veriu i Mitrovicës është mbushur sot me disa mesazhe. Në to bëhet thirrje për rezistencë pas 21 nëntorit. Në këtë datë nis dhe vendosja e gjobave për shoferët që i japin makinës me targa ilegale.
Në Mitrovicën e Veriut janë vendosur disa grafite në lidhje me këtë datë.
“Nga data 21.11 është detyrë e të gjithëve të rezistojnë në çdo hap! Brigada Veri”, shkruan një grafit. Hera e fundit që ishte vendosur një grafit nga “Brigada Veriore” ishte në fund të gushtit.
“Mos u shqetëso, këtu jemi – Brigada Veriore” dhe “NATO shko në shtëpi. Kjo është Serbi. Brigada e Veriut po rritet dita-ditës”.
Nga 21 nëntori të gjithë shoferët që vozisin me targa ilegale do të gjobiten me nga 150 euro. Për këtë vendim të Qeverisë së Kosovës, serbët janë larguar nga institucionet e Kosovës.
Discussion about this post