Policia Italiane ka vënë në pranga një 26-vjeçar, pasi akuzohet se ka grabitur një të moshuar 90-vjeçare në shtëpinë e saj. “Skifteri” ka arritur të vjedhje një sasi të konsiderueshme parash, argjendi por edhe automjetin.
Shqiptari, i identifikuar me inicialet K.G është kapur nga policia, teksa në momentin e ndalimit i janë gjetur sasia e floririt dhe argjendit që kishte vjedhur, ndërsa mbante të njëjtat pantallona me të cilat kishte kryer grabitjen. Sipas policisë, i riu shqiptar rezulton me precedentë të mëparshëm kriminalë, kryesisht për vjedhje në zonat e Milanos.
Ai dyshohet ta ketë kryer grabitjen së bashku me një vajzë, e cila është identifikuar nga kamerat e sigurisë kur ata po udhëtonin me makinën që i kishin grabitur të moshuarës. 26-vjeçari ishte një emër i njohur për organet e rendit, pasi ishte autor i një sërë ngjarjesh kriminale të ndodhura në zonën e Gratosoglio, ku jetonte brenda një barake.
Discussion about this post