Ajo është njëra prej artisteve shqiptare që pëlqehet jashtëzakonisht shumë dhe që tashmë gëzon një karrierë të bujshme muzikore. Bëhet fjalë për Dafina Zeqirin, e cila është pjesë e estradës tash e shumë vite.
Këngëtarja ka qenë e ftuar së fundmi në ‘Radar’ me Edita Dolin, ku ka folur rreth jetës e karrierës profesionale.
Mes tjerash, ajo është pyetur edhe rreth dasmës e planeve për t’u bërë nënë.
“Kam nisur të punoj me fustanin e nusërisë. Nuk po du me ndërru shumë. Dua të shijoj dasmën time, kam vendosur vetëm dy fustane me i ndërru. Dasma është diçka shumë personale, kam dashur dikush që ma do të mirën si njeri, jo vetëm dukje”, u shpreh ajo.
Bukuroshja tutje theksoi: “Do të ndodhë sivjet. Unë bebet i dua shumë, shumë shumë. Edhe shyqyr i do edhe ai shumë. Nuk janë gjëra që planifikohen dhe pse jo sa më shpejt ndodhta. Kam plane”.
Discussion about this post