Vijon operacioni për shuarjen e zjarreve në Finiq, ndërkohë që ka një përmirësim të situatës, si pasojë e ndërhyrjes së ekipeve të zjarrfikësve dhe nga ajri.Flakët vijojnë në Matomarë, pas kodrave të Finiqit, në territorin e Bashkisë Delvinë.
Ndërkohë që ekipet zjarrfikëse po luftojnë me flakët prej disa orësh, në ndihmë të tyre kanë shkuar edhe Forcat e Armatosura, si dhe një helikopter që po shuan zjarret nga ajri.
Ministri i Mbrojtjes Pirro Vëngu ka mbërritur në Finiq, aty ku që prej mesditës së sotme ka rënë një zjarr e cila ka rrezikuar dhe Parkun Arkeologjik të Finiqit.
Vëngu po ndjek nga afër aksionin për shuarjen e flakëve që kanë rrezikuar edhe parkun arkeologjik.
gijotina.com/
Discussion about this post