Nga Katari japin indicie të rëndësishme për të ardhmen e Mbappe

“Telenovela Mbappe”, pas një vere të gjatë dhe intensive, është shumë pranë përfundimit. Sulmuesi francez ka qënë në qëndër të vëmëndjes për të ardhmen e tij, që duket se do të zgjidhet në orët në vijim. Sigurisht, nga Katari ende nuk e përjashtojnë 100% nënshkrimin e Mbappes nga Real Madridi.

Mbappe ka qenë protagonisti i qartë i verës, emri i tij ka pushtuar faqet e para të gazetave sportive dhe lajme të panumërta javët e fundit kanë qarkulluar për të.

Sulmuesi, i cili deklaroi qëllimin e tij të qartë për të mos rinovuar kontratën aktuale me PSG-në, ishte më shumë jashtë sesa brenda skuadrës pariziene.

Madje, Al-Khelaifi nuk ka ngurruar aspak që ta largojë nga skuadra dhe ta shpallë të transferueshëm. Real Madridi, gjatë gjithë verës, ka pritur një telefonatë, e cila nuk ka ardhur, nga Mbappe.

Për këtë arsye dhe me kalimin e javëve është ftohur nënshkrimi i mundshëm i Mbappes nga mbretërorët.

Më tej, duket se diçka ka ndryshuar në marrëdhëniet mes Mbappe dhe Al-Khelaifi, deri në atë pikë sa mediat franceze kanë filluar të spekulojnë për një rinovim të mundshëm të yllit francez.

Megjithatë, nga Katari, ata janë ende të kujdesshëm për të ardhmen e Mbappe. Ata nuk përjashtojnë një ofertë në minutën e fundit.

Sot merkato e transferimeve mbyllet dhe shumëkush ëndërron për një ‘fushë’ historike nga Florentino Pérez. Në këtë mënyrë, Katari, në llogarinë e tij në X, ka deklaruar si më poshtë:

“Deri tani, plani i Kylian Mbappe është të qëndrojë në PSG derisa të mbledhë të gjitha borxhet e tij financiare sipas kontratës. Nëse Real Madridi nuk paraqet një ofertë të kënaqshme për Paris para përfundimit të merkatos, lojtari do të vazhdojë me PSG”.

Ne kemi hyrë në fazën e fundit të tregut të transferimeve dhe duket pothuajse e pamundur të materializohet ardhja e Mbappe. Natyrisht, Katari ende e sheh të mundur, edhe pse me gjithnjë e më pak forcë, që të bëhet një ofertë në minutën e fundit për ta nxjerrë nga Parisi.

Prandaj, përveç një mrekullie nga Florentino Pérez, Mbappe nuk do të nënshkruajë për Real Madridin. Sulmuesi francez përmbush kështu planin e tij fillestar: të përmbushë kontratën e tij. Florentino Pérez mbetet i bindur se Mbappé nuk do të rinovojë për të nënshkruar ‘falas’ verën e ardhshme.