Motra e Rrushes, Laureta, ka tërhequr vëmendjen e djemve që nga dita e parë kur u bë pjesë e “Për’puthen”, kjo dhe për shkak të lajmeve që qarkulluan në median rozë për të.
Mirëpo djemtë e programit nuk i kanë kushtuar rëndësi këtyre lajmeve dhe kanë shfaqur dëshirën për ta njohur më shumë.
Danieli, po ashtu konkurrent i ri kërkoi një takim katër minutash me Lauretën, ku i shprehu pëlqimin dhe dëshirën për ta njohur nëpërmjet takimeve jashtë studios.
Më herët, Danieli kishte shprehur pëlqim për Rrushen, por njohja e tyre nuk pati vazhdimësi.
“Hodha poshtë pëlqimin për motrën tënde dhe të zgjodha ty”, i tha ai Lauretës në takim.
Gjatë bisedës, Danieli i tha konkurrentes se te një vajzë “në radhë të parë shoh karakterin. Dua një gotë shumë të fortë dhe mendoj se ti e ke”.
Ndërsa, Laureta tregoi se kërkon qetësi te partneri i saj. “Unë dua një shpirt të qetë. Dua qetësi”, tha ajo.
Discussion about this post