TMZ sapo ka marrë dokumentat e frimosura të një nga divorceve më të bujshëm të shekullit. Melinda ka ngritur padi, duke cituar se martesa është prishur në mënyrë të pakthyeshme. Dokumenti i kërkon gjykatësit të vendosë martesën e përfunduar “që nga data në kontratën e ndarjes”.
Dokumentet e divorcit e bëjnë të qartë se nuk do ketë mundësi për një ribashkim. Kjo pasi sipas regjistrimit, e vetmja marrëveshje me shkrim që ata thonë se ka të bëjë me divorcin është marrëveshja e ndarjes.
Melinda nuk po kërkon ndonjë mbështetje bashkëshortore. Ata po kërkojnë një datë gjykimi në prill 2022, por pothuajse me siguri kjo do të zgjidhet pa gjyq.
Në një deklaratë të përbashkët të hënën, çifti njoftoi se ata kishin marrë një vendim për t’i dhënë fund martesës së tyre, duke thënë:
“Gjatë 27 viteve të fundit, ne kemi rritur tre fëmijë të mrekullueshëm dhe kemi ndërtuar një fondacion që punon në të gjithë botën për t’i mundësuar të gjithë njerëzve që të bëjnë jetë të shëndetshme dhe produktive “.
Ata vazhdojnë, “Ne vazhdojmë të ndajmë një besim në atë mision dhe do të vazhdojmë punën tonë së bashku në fondacion, por nuk besojmë më se mund të rritemi së bashku si çift në fazën tjetër të jetës sonë.”
Bill dhe Melinda filluan të takoheshin në 1987 pasi u takuan në një shfaqje tregtare në Neë York, dhe ajo do të vazhdonte të punonte në marketing për Microsoft dhe do të emërohej si Menaxheri i Përgjithshëm i Produkteve të Informacionit në fillim të viteve ’90.
Çifti u martuan më 1 janar 1994 në Hawai dhe Melinda u largua nga kompania në 1996 për t’u përqëndruar në krijimin e familjes së tyre.
Bill dhe Melinda kanë 3 fëmijë të rritur Jennifer , Rory dhe Phoebe dhe banojnë në rezidencën e tyre të madhe familjare, të quajtur Xanadu 2.0, me pamje nga Liqeni i Uashingtonit në Medina, SHBA.
Së bashku duke qenë shumë të pasur , të dy janë të njohur gjerësisht për përpjekjet e tyre filantropike që nga fillimi i Bill & Melinda Gates Foundation në 2000. Duke vlerësuar në 2014 ata kishin dhuruar 28 miliardë dollarë për fondacionin, një numër që pësoi rritje në vazhdim.
Fondacioni Gates dha një kontribut prej 250 milion dollarë në fund të vitit 2020 për të luftuar pandeminë COVID-19.
