Rritjet e çmimeve kanë sjell shumë reagime te qytetarët pasi kjo u është kthyer në “barrë” konsumatorëve. Mirëpo situata do bëhet dhe më keq sipas ekspertit Agim Rrapaj i cili duke analizuar situatën tha se do të ketë rritje të mëtejshme të çmimeve të produkteve, për shkak se kostot dhe pasiguritë po shtohen.
“Rritja e çmimit natyrisht ka trembur konsumatorët, dhe nuk kombinohet kërkesa dhe oferta, ndërhyrjet që po bëhen për të stabilizuar situatën janë të paefektshme”, thotë Rrapaj.
Kostot e prodhimit nga janari në mars u rritën me 17% në raport me vitin e kaluar thotë INSTAT. Por për kreun e agrobiznesit abuzuesit po dëmtojnë zinxhirin e prodhimit.
“Vazhdojnë çmimet si një ndër treguesit kryesor që rregullojnë tregun, ta ç’organizojnë tregun. Çorganizimi i tregut sjell ndryshim të gjithë sistemit, të gjithë zinxhirit dhe prandaj vëmendja është përqendruar tek çmimi, por në fakt çmimi është pasojë e rritjes së kostove në mënyrë drastike. Fermerët po ç’rregullojnë sistemin e tyre të prodhimit duke vendosur çmime herë nën kosto, herë mbi kosto, por mbi kosto i vendosin më shumë abuzuesit. Në këtë periudhë abuzuesit kanë zënë një vend të rëndësishëm në rritjen e çmimit”, pohon ai.
Për shkak të kostove të rritura dhe të kushteve atmosferike, këtë viti nuk do ketë prodhim të bollshëm të drithërave.
“Kostot e rritura do të ulin rendimentin e prodhimit, por sasia e prodhimit varet shumë nga kushtet klimatike. Në disa produkte kemi prodhim të bollshëm, në disa të tjera nuk kemi. Bletaria pret sivjet një prodhim të kënaqshëm, ndërsa sa i takon drithërave prodhimi nuk është në nivelin që ne prisnim”, shprehet Rrapaj.
Ekspertët ashtu si institucionet e huaja nuk presin rënie të çmimeve.
“Më thoni një shkak që është eliminuar që t’ju them që do të ulen çmimet, përkundrazi shkaqet janë agravuar”, pohon kreu i Agrobiznesit.
Discussion about this post