Plotë 64 emra janë hedhur në zarfet për kandidatët për president. Propozimet me shënimin e emrave në zarfeve ishte një risi dhe këtë vit u për herë të parë. Sigurisht që të gjithë jemi kurjozë të dimë se cilët janë propozimet e bëra nga secili deputet. Sot bëhet gati një muaj nga koha kur zarfet me propozime u administruan por asnjëherë nuk u bënë publik preferencat e deputetëve socialist.
Ndërkohë, burime nga brenda burime brenda në PS në dijeni të dokumentit përmbledhës të propozimeve, tregojnë se deputetët socialist kanë habitur me propozimet e tyre. Bëhet me dije se, disa deputetë kanë propozuar Edi Ramën për të qenë ai pasardhësi i ish mikut të tij tashmë armik, Ilir Meta. Ndërsa theksohet se, figura më e votuar është Mimi Kodheli aktualisht kryetare komisionit për politikën e jashtme, një ish bashkëpunëtore e hershme e Ramës, kur ai drejtonte Bashkinë e Tiranës e më pas në mandatin e parë të qeverisë Rama ministre e Mbrojtjes.
Zonja Kodheli u vendos e 21-ta në listët e kandidatëve të Tiranës në zgjedhjet e 2021 duke mos fituar por lënia e mandatit nga Najada Çomo e riktheu atë në parlament. Si preferencë të dytë më e votuar deputetët socialist dëshironin të shikonin në presidencë kryetaren e kuvendit Lindita Nikolla, ish ministre e Arsimit e cila si drejtuese politike e partisë qetësoi acarimet e përçarjet e socialistëve të Lezhës. Dy nga 74 deputetët socialist, kanë propozuar për president kreun e grupit parlamentar socialist Taulant Balla.
Deputetët socialist kanë propozuar edhe emra nga rradhët e opozitës. Njëra prej tyre ish ministrja demokrate e Integrimit Europian, Majlinda Bregu e cila aktualisht është sekretare e përgjithshme e Këshillit të Bashkëpunimit Rajonal. Deklarimet e shpeshta se ka ardhur koha për një presidente grua, janë reflektuar edhe në propozimet e socialistëve. Kështu nga të dhënat e deri më tanishme duket se në vijim do të kemi një presidente grua.
Discussion about this post