Mbrëmjen e sotme do të zbresin në fushë 30 skuadra, të cilat do të luftojnë për trofeun e Europa League.
Ndërsa këto 15 sfida janë planifikuar të startojnë nga ora 18:45 deri në orën 21:00, sytë e shqiptarëve do jenë kryesisht në katër prej këtyre takimeve.
Ekipi i talentit kuqezi, Myrto Uzunit, Ferencvarosi do të përballet në orën 18:45 me Bayer Leverkusen, në një sfidë që nuk duhet aspak e lehtë, megjithatë skuadra hungareze e ka treguar se di të jetë një surprizë. Shqiptari është një nga emrat kryesor të Ferencvarosit dhe pritet ta udhëheqë ekipin drejt fitores historike.
Te Lazio luajnë tre shqiptarë Vedat Muriqi dhe Elseid Hysaj, të cilët duket se e kanë vendin e sigurt në formacionin startues dhe portieri Thomas Strakosha, që prej kohësh vuan minutat e aktivizimit.
Sfida e të kaltërve nuk duket nga më të vështirat e mundshme, megjithatë nuk duhet ta nënvlerësojnë kundërshtarin që të kenë fitore të sigurt.
Napoli i Amir Rrahmanit do të përballet mbrëmjen e sotme në orën 21:00 me Leicesterin në një takim që pritet të jetë shumë sfidues për italianët, ndërsa nuk dihet ende nëse shqiptari do luajë që nga minuta e parë e ndeshjes.
Ndërsa i fundit, por jo nga rëndësia është takimi i Lyonit me Rangers. Xherdan Shaqiri, i cili kaloi te francezët gjatë kësaj merkatoje bëri një super debutim duke asistuar dhe loja e tij u pëlqye pa fund nga mbështetësit e këtij klubi.
Megjithatë ndeshja e Europa League do të jetë shumë sfiduese dhe pritet që shqiptari të tregojë top formën e tij në takimin ku kërkohet me patjetër fitorja./K.T/Gijotina.com
